Bgayet /Tenɣa tmacint yiwen n urgaz


Yessuffeɣ rruḥ yiwen n urgaz ass n amhad yezrin akken kan i t-tewwet tmacint i t-id-yufan deg rraya-s deg tama n rebɛa n yiberdan (quatre chemins) deg temdint n Bgayet. Akken kan i d-teffeɣ seg wanda tettgari, tewwi abrid-is ɣer At Menṣur (Tubiret). Tadyant teḍra ɣef 7h 30 n tṣebḥit. Argaz-a yemmuten seg temnaḍt n Tewrirt Iɣil seg wasun n Udekkar, ad yesɛu 60 n yiseggasen di leɛmer-is. Yettwawi srid ɣer sbiṭer n Bgayet Xlil Ɛemran sɣur yiɣallen n uḥuddu aɣarim akken kan i t-id-kksen si ddaw n tmacint. I usmekti, tadyant am ta d tis kraḍet i d-yeḍran deg twilayt n Bgayet deg useggas n 2019 

seld snat i d-yeḍran yakan deg tɣiwant n Wad Ɣir, Tamezwarut deg waggur n yennayer yezrin (Ibaciren), tis snat deg yebrir (Iburasen). Ɣef waya, yewwi-d leḥder sɣur yimdanen mi ara bɣun ad zeggren abrid n tmacint, akken daɣen ara nessiweḍ rreḥma i urgaz-a yemmuten